शुक्रबार ०५ कार्तिक २०७८

काठमाडौं / अमेरिकाले नेपाली सेनालाई रेस्क्यू बोट दिएको छ । केही दिन अघि छाउनीस्थित जंगी असवाव खानामा आयोजित एक कार्यक्रममा अमेरिकाले नेपाली सेनालाई चार वटा रेस्क्यू बोट हस्तान्तरण गरेको हो ।

नेपाली सेनाको विपद् निर्देशनालयका निर्देशक सहायक रथी रामनाथ शर्मालाई अमेरिकी राजदूतावासका सैनिक अधिकारी मिचेल पी वाइटले हस्तान्तरण गरेका हुन् ।

उक्त बोट बाढी, डुबान जस्ता जलउत्पन्न विपद्को समयमा उद्धार र राहतमा उपयोगी हुने नेपाली सेनाको विश्वास छ ।

हाल देशका विभिन्न स्थानहरूमा बढिरहेको बाढी पहिरोको प्रकोप र उद्दारमा भएको कठिनाइलाई मध्यनजर गर्दै उक्त सहयोग गरिएको वाइटले बताए ।

२९१ पटक हेरिएको

तपाईको प्रतिक्रिया