शनिबार ३० आश्विन २०७८

काठमाडौँ/ परापुर्वकालदेखि नै सामान्यतया पूजा पाठ गर्दा धूप बाल्ने प्रचलन चलिआएको छ ।

तर, पूजाको समयमा धूप किन बालिन्छ त भन्ने धेरैलाई थाहा नहुन सक्छ । आज हामीले पूजामा धुप बाल्नुको रहस्य उल्लेख गरेका छौँ ।
खासमा धूपको धुँवाले घरको नकारात्मक ऊर्जालाई नष्ट गरिदिन्छ । सकारात्मक ऊर्जाका लागि पनि धूप बाल्ने गरिएको हो । धुपको वास्नाले वातावरण स्वच्छ राख्नुका साथै श्वासप्रश्वासमार्फत त्यसले मस्तिष्कमा पुगेर मानसिक शान्ति प्रदान गर्दछ।

धूपको धुवाँले वातावरण पवित्र र शुद्ध हुन्छ । त्यसैले कुनै कुनै घरमा त बिहानदेखि बेलुकीसम्म धूप बालिन्छ । धूपको धुँवाले ब्याक्टेरियालाई नाश गर्छ । त्यसैले कतिपय अस्पतालले पनि धूप बाल्ने गर्छन् ।

प्राकृतिक तवरले बनाइएका धूप स्वास्थ्यको लागि लाभदायी हुन्छ। अचेल भने अगरबत्तीमा केमिकल मिसाइन थालिएको छ । बाटेको धूप चाहिँ अहिलेसम्म शुद्ध नै पाइन्छ ।

प्राकृतिक चिकित्सामा उल्लेख भएअनुसार हल्का र मीठो खालको सुगन्ध मनुष्यको चित्तलाई शान्त गर्छ । त्यसैले यसको अधिक प्रयोग प्राकृतिक चिकित्सामा हुन्छ । (-एजेन्सीको सहयोगमा)

५१७ पटक हेरिएको

तपाईको प्रतिक्रिया