आइतबार २२ माघ २०७९

काठमाडाैं / सभापति रवि लामिछानेको नेतृत्वमा सरकारमा सामेल हुने निर्णयसँगै राष्ट्रिय स्वतन्‍त्र पार्टी (रास्वपा) मा मन्त्री पदका लागि भने वि’वा’द सुरु भएको छ । सभापति रवि लामिछाने साेविता गाैतमलाई मन्त्री बनाउने पक्षमा छन् । सोविता काठमाडौं क्षेत्र नंं २ बाट निर्वाचित भएकी थिइन्।

उता मन्त्रीका लागि पर्टीका महामन्त्री मुकुल ढकालको सिफारिसमा भने डा. चन्दा कार्की परेकी छन् । सामनुपातिक तर्फबाट सांसद बनेकी डा. कार्की महामन्त्री मुकुल ढकालसँग निकट छिन् ।

उनी मेडकिल कलेज व्यवसायी हुन् । चन्दाको चयनमा भने पार्टीका केन्द्रीय सदस्य गणेश कार्कीले असहमती राखेका छन् । लामिछानेले भने कुन मन्त्रालय पाउने टुंगो लागेपछि मात्रै सरकारमा सहभागी हुने मन्त्रीहरुको नाम पार्टीले तय गर्ने बताएका छन् ।

प्रतिनिधिसभामा २० सिटसहित चौथो ठूलो दल बनेको राष्ट्रिय स्वतन्त्र पार्टी (रास्वपा) माओवादी अध्यक्ष पुष्पकमल दाहाललाई प्रधानमन्त्रीमा समर्थन गरेसँगै नयाँ गठबन्धनबाट सरकारमा सामेल हुन लागेकाे हाे ।

यो पनि :- विदेशबाट फर्किएका युवाको सहकारी – एक वर्षमा ४४ लाखको दूध बिक्री : बलेवा / वैदेशिक रोजगारीबाट फर्केका युवाले गठन गरेको दुग्ध उत्पादक सहकारीले एक वर्षमा रु ४४ लाखको दूध बिक्री गरेको छ ।

बागलुङको जैमिनी नगरपालिका–१ कुश्मीशेरामा रहेको जैमिनी दुग्ध उत्पादक सहकारी संस्थामा आवद्ध किसानले एकै वर्षमा रु ४४ लाख बढीको दूध बिक्री गरेका हुन् । साविक कुश्मीशेरा गाविस–३ र ४ बाट वैदेशिक रोजगारीबाट फर्केका युवाको सहभागितामा सहकारी सुरु गरिएको थियो ।

यस वर्ष मात्रै सहकारीले दूध निर्यातबाट रु ४१ लाख ६२ हजार आम्दानी गरेको छ । गाउँमै दूध बिक्री गरेर झण्डै रु तीन लाख आम्दानी गरेको संस्थाका अध्यक्ष विकास पौडेलले बताएका छन् ।

अधिकांश शेयर सदस्य वैदेशिक रोजगारीबाट फर्केका युवा रहेको सहकारीले व्यावसायिक पशु पालनमा जोड दिँदै आएको छ । विदेशमा हुने मेहनत आफ्नै माटोमा गर्दा राम्रो आम्दानी गर्न सकिन्छ भन्ने उदाहरण सहकारीले प्रस्तुत गरेको पौडेलले बताए।

“हाम्रो सहकारीमा आवद्ध अधिकांश किसानले दुई वा दुईभन्दा बढी गाईबस्तु पाल्नुभएको छ, धेरै युवाको व्यावसायिक फार्म छ”, पौडेलले भने, “विदेशबाट फर्केपछि आम्दानीको स्रोत नै दूध हो ।” सहकारीको दूध पोखरा, बागलुङ र कुश्मा लगायतका बजारमा बिक्री हुने गरेको सहकारीका सहसचिव गुरुप्रसाद शर्माले बताए।

सहकारीले उत्पादन गरेको दूधमा जैमिनी नगरपालिका र गण्डकी प्रदेश सरकारले उत्पादन प्रोत्साहन दिँदै आएका छन् । बितेको एक वर्षमा दुवै निकायबाट रु एक लाख २७ हजार छ सय ११ उत्पादन प्रोत्साहन सहकारीले पाएको छ ।

“बजार टाढा हुँदा ढुवानीमा स’मस्या छ, वर्षामा दूध बजार पुर्याउनै क’ठिन छ”, शर्माले भने, “समयमा दूधको भुक्तानी पाउने र बाह्रै महिना बजारको स’मस्या नहुँदा उत्पादन अझै बढी हुन्छ ।”

शेयर सदस्यले अनिवार्य दूध उत्पादन गर्नुपर्ने व्यवस्था सहकारीले गरेको छ । वार्षिक दुई सय ५० लिटर दूध उत्पादन नगर्ने शेयर सदस्यलाई जरिवाना लगाउने र धेरै उत्पादन गर्ने शेयर सदस्यलाई उत्पादनका आधारमा प्रोत्साहन दिने गरिएको छ । जैमि’नीमा उत्पादित दूधको मूल्य किसानले रु ६५ देखि ७५ प्रतिलिटर पाउँछन् भने सहकारीले रु ८० देखि ८५ प्रतिलिटरमा बजार पठाउने गरेको छ ।

९५ पटक हेरिएको

तपाईको प्रतिक्रिया