धार्मिक शास्त्रमा माता लक्ष्मीलाई ऐश्वर्यकी देवी भनिएको छ । माता लक्ष्मीको कृपा भए मात्र मानिसलाई धन प्राप्त हुन्छ। यही कारणले गर्दा हरेक मानव जीवनमा माता लक्ष्मीको आशीर्वाद प्राप्त गर्न चाहन्छ।
धार्मिक शास्त्रमा उल्लेख भएअनुसार बिहान उठेर यस्ता केही कामहरु गरेमा लक्ष्मी माताको विशेष कृपा प्राप्त हुन्छ । आउनुहोस् जान्नुहोस् बिहान उठ्ने बित्तिकै कुन काम गर्नुपर्छ ?
घरको सरसफाई :
बिहान उठ्नेबित्तिकै आफ्नो व्यक्तिगत सरसफाइका साथमा घरको भित्र, घर वरिपरि सबैतिर सरसफाई गर्नुपर्छ । लक्ष्मी माताले सफा स्थान मन पराउने र मानव स्वास्थ्यका लागि पनि सरसफाई जरुरी भएको हुँदा सरसफाइमा पहिलो ध्यान दिनुपर्छ ।
घरमा तुलसीको बिरुवा :
माता लक्ष्मीको सम्बन्ध तुलसीसँग छ । यस्तो अवस्थामा घरमा तुलसीको बिरुवा लगाउनुपर्छ । यसका साथै बिहान नुहाएर त्यसमा पानी हाल्नु पर्छ । बिहान तुलसीमा जल चढाउँदा घरमा सुख–समृद्धि आउने विश्वास छ ।
सूर्य देवताको पानी :
बिहान नुहाएर तामाको भाँडोमा पानी, सिन्दुर र गुलाबको फूल मिसाएर सूर्यदेवलाई अर्घ दिनुपर्छ । यसो गर्नाले सूर्य देवतासँगै माता लक्ष्मीको आशीर्वाद पनि रहन्छ।
मुख्य ढोका बत्ती :
बिहान घर सफा गरेपछि घरको मुख्य ढोकामा घ्यूको दियो बाल्नु पर्छ । यसो गर्दा सबै देवताहरू प्रसन्न हुन्छन्। जसबाट सबै दुःखबाट मुक्ति मिल्छ।
पूजापछि तिलक :
हरेक बिहान पूजा गरेपछि तिलक लगाउनुपर्छ । धार्मिक ग्रन्थमा यसलाई शुभ मानिएको छ । यसो गर्नाले देवी लक्ष्मी प्रसन्न हुने र जीवनमा सुख शान्ति प्राप्त हुने जनविश्वास रहेको छ ।
