जनकपुर / नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय तहको निर्वाचन पार्टीका लागि जीवनमरणको विषय भएको बताएका छन् । मंगलबार जनकपुरधामको तिरहुतिया बरगाछिमा भएको प्रशिक्षण कार्यक्रममा उनले पार्टी हार्दा देश हार्ने दा’बी पनि गरे ।
“यो निर्वाचन अरूका लागि चुनाव मात्र हो । तर हाम्रा लागि जी’वनमरणको विषय हो । हामी हार्दा देश हार्छ । अरू हार्दा देश जित्छ,” प्रचण्डले कार्यक्रममा भने । उनले गठबन्धनको आशा गरेर ‘रिल्याक्स’ नगर्न पनि नेता कार्यकर्तालाई निर्देशन दिएका छन् ।
“गठबन्धनको आश गरेर रिल्याकस नगर्नुस् । आफ्नो खुट्टा बलियो बनाउनुस,” प्रचण्डको निर्देशन छ । त्यस्तै उनले मधेसका युवालाई भा’डभैलो गर्न खोज्नेलाई इ’टको जवाफ प’त्थरले दिन पनि भनेका छन् । डेढ–दुई महिनामा मधेसलाई क्रा’न्तिकारीमय र माओवादीमय बनाउनुपर्ने उनले बताए ।
त्यस्तैगरी अध्यक्ष प्रचण्डले आसन्न स्थानीय तहको निर्वाचनमा पाँच दलीय गठबन्धनबीच तालमेल हुने वा नहुने कुरा नेपाली कांग्रेसमा निर्भर रहेको बताएका छन् । सो पार्टीको मधेश प्रदेशस्तरीय प्रशिक्षण कार्यक्रमलाई सम्बोद्धन गर्न आज जनकपुरधाम पुगेका प्रचण्डले जनकपुर बिमानस्थलमा सञ्चारकर्मीसँग कुराकानी गर्दै सो कुरा बताएका हुन् ।
“अहिलेसम्म पाँच दलीय गठबन्धनभित्र कुनै प्रकारको तिक्तता छैन्”, उनले भने, “आसन्न निर्वाचनमा पनि तालमेल गरेर जानुपर्ने कुरा भइरहेको छ, तर तालमेल हुने वा नहुने कुरा नेपाली कांग्रेसको हातमा छ ।” अध्यक्ष दाहालले हामीले गठबन्धलाई निरन्तररुपमा अघि बढाउनुपर्ने पक्षमा छौँ तर कांग्रेसभित्र तालमेलको बिषयलाई लिएर फरक फरक कुरा आइरहेकाले आगामी यात्रा कसरी अघि बढ्छ, त्यो कांग्रेसकै भूमिकामा निर्भर हुने बताए ।
“स्थानीय तहको निर्वाचनमा कांग्रेस तालमेल गर्न तयार भए आफूहरु पनि तयार छौँ, तर कांग्रेसले गर्न चाहेन भन्ने हामी पनि आफ्नै तरिकाले चुनाबमा जान्छौँ”,उनले भने, “त्यसैले कसरी जाने भन्ने कुरा कांग्रेसकै हातमा छ ।” हामी आफ्नै खुट्टामा उभिएर चुनाबी परिणाम ल्याउने गरी तयारी गरिरहेको उनको भनाई छ ।
अध्यक्ष दाहालले पाँच दलीय गठबन्धनमा लोकतान्त्रिक समाजवादी पार्टीलाई पनि सामेल गराउने बिषयमा गठबन्धनभित्र कुनै छलफल नभएको तर प्रधानमन्त्री र लोसपाका नेताबीच छलफल भइरहेको जानकारी दिदैं सत्तासाझेदार दलबीच मन्त्री हेरफेरबारे छलफल भइरहेको बताए ।
“मन्त्रिपरिषद्मा हेरफेरको कुरा चलेको छ, तर अहिलेसम्म औपचारिक रुपमा टुंगिएको छैन”, उनले भने, “केही मन्त्रालय हेरफेर हुने स’म्भावना छ, केही नयाँ आउने स’म्भावना छ ।” अध्यक्ष दाहालले अब बस्ने प्रतिनिधिसभाको बैठकमा नागरिकता विधेयक र रेलसम्बन्धी विधेयक प्रस्तुत हुने बताउँदै त्यही बैठकबाट दुवै विधेयक पारित गरिने पनि जानकारी दिए ।
